小林竜介接受本報記者電話訪問，佢表示片段喺4、5年前拍攝，當時佢被人上前搭訕，大讚佢好有型，希望同佢影輯寫真，但當佢被游說到一棟大廈之後，現場有大約8個男人在場，不停叫佢剝衫拍攝，由於攝影機已開始拍攝，小林在不情願之下惟有照在場人士吩咐，結果就拍下呢段全裸影片。
小林透露當時對方只俾1萬日圓（約700港元）作報酬，佢拍完之後相當後悔，亦希望借今次機會，以過來人身份呼籲年輕人唔好受騙。問到小林有何打算，佢自言心情悲傷，因此自己真係好想入行做演員，可惜呢次醜聞令佢做唔到想做嘅事，佢表示如果唔能夠喺亞洲區發展，日後可能去美國嘗試當model或者作幕前演出。
小林竜介（Lio）上年來港發展，英國長大嘅佢講得一口流利英語，獲安排同香港成員隊友鄧佑剛（Mixx）及李礎業（Keni）組成三人男團R-ice，仲準備今年夏天出碟攻樂壇。
不過23歲嘅小林近日被網民發現曾經喺日本拍GV，雖然佢喺呢段23分鐘嘅鹹片中表示係直男，仲話有女朋友，不過當時21歲嘅小林被一名男子口交及手淫都冇托手踭，而事件上星期曝光後，佢香港嘅Agent公司已立即同佢解約，據知小
