如风往事之——閒话上海方言“拖油瓶”一词

2019-11-06 21:07阅读:
如风往事之——閒话上海方言“拖油瓶”一词
勒拉前头一篇文章,笔者写呃是:《如风往事之——闲话上海人乘风凉》,内容所讲是勒拉老底子呃老上海滩哴向、勒辣天气邪气炎热呃夏日季节里向,上海人又是哪能去“乘风凉”避暑呃。【备注:“乘风凉”一词是吴地区呃方言土语,普通话为“纳凉”。】迭嗰一篇文章,笔者决定讲讲同样是吴地区所使用呃地方方言——“拖油瓶”。
如风往事之——閒话上海方言“拖油瓶”一词
之所以会去写关于“拖油瓶”文章,个人认为原因有其二。
如风往事之——閒话上海方言“拖油瓶”一词
第一嗰原因是:随着时代呃不断变迁与发展,“拖油瓶”迭嗰词语已经呒啥人再会得去讲了,几乎可以讲是“消失”忒了,只有一些老上海人,至少是阿爷跟阿奶一辈呃老年人,千年难般呃辰光去讲。恐怕现在呃年轻一代,就覅一定晓得“拖油瓶”一词呃意思了。
如风往事之——閒话上海方言“拖油瓶”一词

第二嗰原因是:笔者勒拉《如风往事之——闲话上海人乘风凉》一文中,记录了老底子呃上海人,勒拉乘风凉呃辰光邪气欢喜嘎嘎讪胡是不无关系!【备注:“嘎讪胡”一词普通话即为“聊天”。】
如风往事之——閒话上海方言“拖油瓶”一词
勒拉《如风往事之——闲话上海人乘风凉》一文当中,关于“嘎讪胡”呃内容,笔者是迭能样子来讲到呃,全文记载如下:乘风凉呃辰光,嘎讪胡是畀不可少呃一项活动,邻舍隔壁之间就会得分享各类趣闻轶事,还有覅少人呃家会得张家短李家长,拿人家屋里厢丑事讲出来,笔者曾经呃徐姓邻居(同学),就是迭能样子,就因伊长得活脱脱像一个外国佬,伊拉爷娘覅是外国人,才会得畀人家讲!……
如风往事之——閒话上海方言“拖油瓶”一词
所记录呃上段文字内容,是发生勒拉笔者家已经搬迁住进了由当时“房管所”建造呃新工房,勒拉迭嗰前头所居住呃房子是房管所呃私房。所住呃房子呈现近乎于“L”型呃,层高是六层楼呃房子,有三嗰门洞,一楼三户人家,共计有五十四户人家。【备注:过去呃“房管所”,即现在人们所讲呃“房管局”,只畀过换了个名称而已!】
如风往事之——閒话上海方言“拖油瓶”一词
掰搿辰光,所居住呃新工房,有的三分之一是原地区拆迁呃原居民,笔者呃家庭就是属于原地区拆迁呃原住居民,还有的三分之二呃居民,都是从事各类和石化行业有关呃普通工人。勒拉掰搿辰光,尽管每家每户都安装了电风扇,基本哴向每家人家都有两台电风扇,只因勒拉新工房前头有的一块大场地,尽管每年到了夏季时节,天气是邪气炎热呃,但是基本哴向每天依旧会有的交关大呃穿堂风穿堂而过,每每到夏日时节呃夜快头,辰光基本哴向是夜快头五点钟到七八点钟之间,还会有交关多邻居出来乘乘风凉,边喫夜饭边嘎嘎讪胡。
如风往事之——閒话上海方言“拖油瓶”一词
笔者还能清楚呃记得,勒拉掰搿辰光、勒拉乘风凉嘎讪胡呃辰光,“拖油瓶”呃次数跟内容讲得邪气多呃,基本浪向每年到了夏日时节,天天都会得去讲一讲,而且别人家是覅去讲呃,就是盯牢笔者曾经呃徐姓邻居去讲,是开玩笑呃去讲,伊还是笔者呃小学同学哩,讲得辰光一长久而久之,听的老茧阿出来了,已深深地印在了脑海里!
如风往事之——閒话上海方言“拖油瓶”一词
为啥要讲笔者曾经呃徐姓邻居(同学)呢?!只因为伊跟其他人是有的邪气明显呃区别,本人长得活脱脱像一个外国佬,皆是因为伊本人从小到大,一直要到还没得开始发育呃前头,头发是金黄色呃,通常情况来讲,正常人呃眼睛,眼珠子是黑色,眼底是白色的,然而伊呃眼底跟别人家是有所不同呃,邪气像波斯猫呃颜色,伊一只眼睛呃眼底是蓝颜色呃,另外一只眼睛呃眼底是黄颜色呃,而且伊呃鼻头大而坚挺像一只大蒜,伊拉爷娘始终都认为迭是一种坏毛病,一定要想方设法去看好伊,每隔几年就带伊去沪上各大医院求诊看病、遍访各处呃名医,却始终都呒去看好。至发育开始头发才逐渐勒拉金黄色中夹带有黑颜色,呒过多久笔者家搬迁到另外一嗰城镇上居住了,彼此间就失去了联系,至于以后是否全部变成了黑色本人就覅晓得了。
如风往事之——閒话上海方言“拖油瓶”一词
正是因为伊跟别人家有的与众不同呃地方,所以伊跟伊呃家庭,才会勒拉夏季乘风凉呃辰光,成了大家嘎讪胡调侃呃好对象,而且凡是去调侃伊跟伊家庭呃人,彼此之间覅单单是邪气熟悉呃,而且还是知根知底呃,已经是相处了十几年呃老邻居了,尽管每次伊跟伊爷娘经过呃辰光,总归要畀大家调侃一番,伊拉始终都呒的气恼过,仅仅以微笑呃态度回应大家。吾伲爷娘对笔者及大笔者五岁呃亲大哥教育过,曰道:“迭能样子去做是交关推扳呃一桩事体,如果倷俩嗰人啊一道跟着去做,就显得个人太呒素质了,还会责怪爷娘呒教育好倷俩,畀人家去做,就让伊拉去做好了,吾伲就覅要跟勒一道去做!”……故而吾伲一次都呒的调侃过伊拉,也呒随波逐流地去随声附和。
如风往事之——閒话上海方言“拖油瓶”一词
大家主要调侃伊拉呃大致意思是讲:“倷长得像嗰外国人,倷呃爷娘覅是外国人,‘肯定是倷格娘’勒拉外头跟不三不四呃人,七搭八搭搞七廿三才生下了倷,倷‘肯定’覅是倷格爷亲生呃,倷格爷一定会得寻倷格娘算总账,倷是倷格娘‘拖油瓶’拖来呃。”……
如风往事之——閒话上海方言“拖油瓶”一词
格么,“拖油瓶”迭三呃字又是哪能来格呢?!据笔者所查阅到呃各类历史资料以后晓得了,“拖油瓶”迭三呃字,最最早是出现勒拉明朝末年时期,明朝末年呃凌玄房凌濛初编著呃拟话本小说集《初刻拍案惊奇》一书当中,勒辣拉卷三十三中伊是迭能样子来曰道呃:“天祥没有儿女,杨氏是个二婚头,初嫁时带个女儿来,俗名叫做‘拖油瓶’。”清朝末年呃李伯元李宝嘉撰写有《官场现形记》一书,勒拉卷40当中也曰道:“不是你父亲养的,难道是你娘拖油瓶拖来的吗?”近代中国著名呃出版家邹韬奋撰写有《萍踪寄语》一书,勒拉《萍踪寄语三集》中写道:“像我国所谓‘拖油瓶’的侮辱妇女和孩子的极端野蛮无理名词,是在男女平等的社会里所不容存在的。”……
如风往事之——閒话上海方言“拖油瓶”一词
“拖油瓶”一词实际浪向是老底子旧社会辰光,历朝历代同样是包括勒拉里向呃,对于要另外再去改嫁呃妇女(人),“一种邪气歧视性称呼”。勒拉古代社会,至少一直要保持到民国时期,对于那些需要再嫁的妇女(人),一律统称伊拉为“再蘸”。对于跟前夫所生呃子女,畀带到后头夫家屋里厢去了以后,一律俗称为“拖油瓶”。
如风往事之——閒话上海方言“拖油瓶”一词
畀过“拖油瓶”迭三嗰字绝对是大家以讹传讹了,最最正确呃讲法应该被叫做“拖有病”,而覅是“拖油瓶”迭三嗰字。勒拉古代社会,一直勒拉讲“三纲五常”、“丈夫死忒了以后,就坚决覅能再去嫁男人了,要妇女(人)一辈子去守寡,直到驾鹤西去为止”,迭嗰就是古代法律法规跟道德标准,一旦有再嫁呃妇女(人),会得畀多数人家看大覅起,还要畀人家议论纷纷说三道四指指点点一番……
如风往事之——閒话上海方言“拖油瓶”一词
但是,有些妇女(人)为了能够生存下去,覅得覅另外再去嫁男人,一般迭能样子去做呃人家,伊拉呃家境都是邪气推板呃。勒拉伊格辰光天灾人祸也是邪气频繁呃,一旦寡妇带来呃子女有啥呃三长两短,往往会得引起前夫屋里厢亲属呃刁难跟责难。后夫为了避免产生迭类纠葛与纷争,勒拉娶寡妇做妻子或妾呃辰光,就会得去邀请一嗰覅相关、呒的厉害关系呃人,订立下一嗰字据,讲清爽前夫子女来呃辰光就已经有了病,今后如果遭遇到了啥呃不测,跟后夫是一眼阿覅关系呃。因而大家就把再嫁妇女呃子女称为“拖有病”。由于“拖有病”跟“拖油瓶”字音极其相近,因此畀人讲成了“拖油瓶”。
如风往事之——閒话上海方言“拖油瓶”一词
实际哴向,古代呃妇女(人)另外再去嫁一嗰男人,可以讲是万不得已、穷途末路呃一桩事体,伊如果覅是走到了最后呃要紧关头,绝对覅大会得去走迭能一步路呃,伊本人对于自家是不会的去考虑些啥呃,最最主要还是为了自家呃子女去做一嗰打算跟考虑、能有嗰依靠,凡是一定要迭能样子去做人家,大多数女子从小就失去了自家阿爹,自家阿娘又呒的啥呃经济来源,只有极其少数呃人家,伊拉呃爷娘因为过日脚实在是过覅下去了,覅是一条路上呃人,双方只好以离婚呃方式收场,加之男方是覅大欢喜小囡,把小囡判给了女方。女方为了生存存活下去,只好另外再去嫁男人,把小囡一道带过去。还因为勒拉古代社会,绝大多数妇女(人)是属于家庭妇女跟附属品,也是覅的工作畀伊拉去做呃,除忒去嫁男人,就呒其他好办法了。
如风往事之——閒话上海方言“拖油瓶”一词
勒拉老底子男人假使死忒了老婆,至少到民国之前,可以重新再讨一嗰老婆,迭种做法叫做“续弦”,女人假使死忒了丈夫,再去寻一嗰老公就覅可以了,是极其困难呃,除忒会得畀大家群起而攻之议论纷纷之外,弄了覅好,还有可能畀众人捆绑起来,关进笼子里厢,再勒拉笼子里厢放上重砖(石)头,把伊沉到江底下头淹死,成功呃概率也是相当低呃,但并覅表示没有,多多少少还有一眼眼呃!
如风往事之——閒话上海方言“拖油瓶”一词
从民国开始就覅搭界了,妇(女)人跟现在呃男人过不下去了可以离婚,还可以再去寻找另外合适呃男人嫁畀伊,覅允许嫁男人就讲得交关少了,甚至还有专门为迭种类型妇(女)人做媒人呃人!
如风往事之——閒话上海方言“拖油瓶”一词
现在开放了、人的思想也进步了,老百姓对于各类情况见得多了,尤其是结婚跟离婚也变得交关多了,更是见怪覅怪了。勒拉老底子“拖油瓶”主要还是指“女方跟前夫生呃小囡带到了后夫屋里厢”,实际哴向男方再婚呃辰光,有可能带着跟前妻生呃小囡,也好称之为“拖油瓶”,所以“拖油瓶”就覅单单是针对女方了,也可指男方。
如风往事之——閒话上海方言“拖油瓶”一词
但凡是“拖油瓶呃人家”,也是呒的办法呃一桩事体,“拖油瓶”伊从小就失去了自家阿爹,万不得已只好跟自家呃娘去重新认一嗰男人认作“自家呃阿爹”,既不管伊是呃男小囡,还是呃女小囡,也不管伊呃日脚过的邪气好,还是过的邪气推扳,伊呃身世已经是“邪气馋古作孽了”,吾伲就覅要去、也覅应该取笑伊了,迭能去做也是覅对呃!但畀过,虽然是迭能去讲,真真要去做起来呃閒话,还是蛮难、相当有困难呃,有覅覅少少呃人(家),还是会得针对迭种类型呃家庭,要去说三道四、窃窃私语、流言蜚语、评(品)头论足一番……
如风往事之——閒话上海方言“拖油瓶”一词
是会得有一部分人家,始终勒拉畀人家嘲笑、鄙视与阴影下头艰辛生存着,因为覅堪忍受,性格一步一步呃向极端走去,从此以后就开始自暴自弃仇视周遭与社会,寻到了好时机就开始报复社会。
如风往事之——閒话上海方言“拖油瓶”一词
也有勒拉各嗰方面都交关好呃拖油瓶人家,通过自家自强不息跟努力,刻苦自律、时刻激励着自家,能够从逆境中崛起,成为了一代伟人与宗师。譬如讲,勒拉历史哴向,最最出名呃拖油瓶人家,还是要数北宋时期呃思想家、政治家、文学家范希文范仲淹了。勒拉伊两岁呃辰光伊嗰阿爹就生病亡故了,老娘谢氏是没得啥格收入跟依靠呃,极其贫苦不堪,就快要活覅下去了,只好带着年幼呃儿子改嫁给了当时平江府推官朱文翰,跟继父姓,改名为朱说,于1009年离家到长白山醴泉寺借读,迈开了伊改变自家命运呃第一步路。有一句成语叫做“划粥断齑”,讲呃内容就是范仲淹勒拉小辰光苦读书呃故事。
如风往事之——閒话上海方言“拖油瓶”一词
当历史呃时光迈入到了1015年,范仲淹通过自身呃勤奋努力考中了进士进士及第,就把老娘接来归养,后然等到了伊过了29岁生日,又重新启用了“范”姓,迭格辰光伊已成名了,写出了交关脍炙人口呃好文章,最最出名呃文章就要数《岳阳楼记》了,“先天下之忧而忧,后天下之乐而乐”……千百年来覅晓得畀了多少心怀大志之人所引用,伊就直言不讳呃向世人宣布,自家就是一个拖油瓶身份。
如风往事之——閒话上海方言“拖油瓶”一词
【备注:文章为作者原创;各类和文章有关的图片均来源于网络上;感谢原创图片】
如风往事之——閒话上海方言“拖油瓶”一词
杜老倌侠客居(陆伟)写于2018年08月17日星期五晚上