前言：6月份时制作了《人生，应要寻求圆满的归宿》的视频，现亦将我在片中的粤语旁白整理出来，作为另一种留念。
新浪博客
前言：6月份时制作了《人生，应要寻求圆满的归宿》的视频，现亦将我在片中的粤语旁白整理出来，作为另一种留念。
钱又好，都总要有个度嘅，冇理由话一味自私就唔使理其他人嘅死活，或者为咗揾钱就咩伤天害理嘅事都够胆去做，噉就太过分喇！呢啲嘢都无谓讲嘞，不如认真思考下我哋嘅生命，点样先可以活得冇咁辛苦、冇咁烦恼重好啦！喺我嘅前半生里面，唯一发现兼总结到最好嘅嘢，就係十几年前认清咗生命嘅归宿，我选择咗佛家嘅净土法门，决定将来要往生西方极乐世界。人要寻找到圆满嘅归宿先至係关键，但係我哋往往净係注意埋嗮啲并唔重要嘅嘢，将重要当成咗次要，次要反而当成咗重要，舍本逐末，到头来，咪又係累咗我哋嘅生命。奉劝嗰啲成日觉得自己好叻嘅人，咪以为只要识得自私自利啊、搏命揾钱啊，就当正係抓住咗真理噉样，喺度嚟沾沾自喜，不可一世。唉，坦白讲吖，解决唔到根本问题嘅，对于人生嘅八苦，你就束手无策啦！呢个八苦就係“生、老、病、死、求不得、怨憎会、爱别离、五阴炽盛”，样样都咁恶顶，样样都咁可怕。若然边个人有本事超越六道轮回，唔使再受苦难嘅话，噉佢就真係巴闭喇！