新浪博客

台湾童谣30首

2013-12-21 23:47阅读：

http://blog.sina.cn/dpool/blog/u/1296030440

◆一放雞

一放雞，二放鴨，三分開，四相貼，
五搭胸，六拍手，七紡紗，八摸鼻，
九咬耳，十摸腳，十一摸土腳，十二攏總捎。
台湾童谣30首
◆月光光
月光光，秀才郎，骑白马，过南塘，
南塘未得过，掠猫仔来接货，
接未著，举竹篙，撞厉鹞，
厉鹞跋落田，嫁酒瓶，酒瓶欲贮酒，
嫁扫帚，扫帚欲扫地，嫁予卖杂细，
卖杂细欲摇铃铛，嫁觋公，
觋公欲读疏，嫁破布，破布欲补衫，
嫁牛担，牛担欲犁田，嫁酒瓶，
酒瓶走入孔，万汝仔无头鬃。
◆十二生肖
一鼠做头名，二牛驶犁兄，
三虎爬山崎，四兔游京城，
五龙皇帝命，六蛇予人惊，
七马跑兵营，八羊食草岭，
九猴爬树头，十鸡啼三声，
十一狗顾门埕，十二猪真好命。

◆土地公
土地公，土地婆，

許你蟶，許你蚵，到時攏總無。
◆土地婆
土地婆，土地伯，恬恬听我说，
说到今年五十八，好花来著枝，
好子来出世，乱弹布袋戏，
红龟粿三百二，閹雞五斤四。
◆子呀子
子呀子，彼时娶恁娘，
无眼床，困踏枋，无棉被，盖腰裙，
无枕头，困草縕，无柴梳，五爪抡，
无虱篦，墨贼船，
无镜，照水痕，无茶油，抹清潘。

◆天黑黑（台湾童谣）
歌 词
天黑黑，欲落雨，阿公仔举锄头仔要掘芋
掘啊掘，掘啊掘，掘著一尾漩鰡鼓，伊呀嘿都真正趣味
阿公仔要煮咸，阿妈仔要煮淡，两人相打弄破鼎
伊呀嘿都啷当锵当呛，哇哈哈

◆劝世歌（说唱歌谣）
歌 词
我来念歌罗 乎你听噫 无欲捡钱啊 免著惊噫 劝你做人著端正 虎死留皮啊人留名噫讲到当今罗的世界哩鸟为食亡人为财啊噫想真做人搁著海海死从何去生何来 噫................。


◆西北雨直直落（台湾童谣）
歌 词
雨直直落，鲫仔鱼欲娶某。
鮕鲐兄拍锣鼓，媒人婆仔土虱嫂，
日头暗找无路，赶紧来火金姑，
做好心来照路，西北雨直直落。 雨直直落，白鹭鸶来赶路。
搬山岭过溪河，找无岫跋一倒，
日头暗欲怎好，土地婆做好心来带路，
西北雨直直落。


◆姑仔，
你来姑仔，你来嫂仔都不知，
今年田无做、冬无收，
饭篱核千秋，锅艺水里泅，
欲买蚶，蚶夥土，欲买肉，遇著人禁屠，
欲买菜，遇著掘菜股，欲买鱼，遇著风台雨，
欲买豆腐，遂生菰，欲买豆签，烂糊糊，
姑仔，今年妄艰苦，蕃薯签，妄来渡，食会落，配菜脯，
等待天公有补所，予恁兄收作一千块，
宰猪倒羊来相补，予姑仔你食到牙仔龈龈嘴吐吐。
◆鸡呀鸡鸡呀鸡，人欲台你罗，台我做什麼，
台你不生卵，一日生一百，
两日生一箩，欲台，你台鸭。鸭呀鸭，人欲台你罗，台我做什麼，
台你不生卵，一日生一垺，
两日生一厨，欲台，你台牛。牛呀牛，人欲台你罗，台我做什麼，
台你不犁田，顶区是我犁，
下区是我耙，欲台，你台马。马呀马，人欲台你罗，台我做什麼，
台你不行路，顶路是我行，
下路是我走，欲台，你台狗。狗呀狗，人欲台你罗，台我做什麼，
台你不顾厝，顶厝是我顾，
下厝是我行，欲台，你台大猪骿。猪呀猪，人欲台你罗，台我做什麼，
台你不食潘，食你一寡歹潘，
食你一寡歹泔，欲台，做你台，
欲斩，做你斩。
◆落大雨
落大雨，透大风，天乌地暗打雷公，
门口积满水，有路行勿通。
◆羞羞羞
羞羞羞，打官篮仔拾鱼鰡，
一尾食，一尾糊目睭，
唱：羞羞羞羞羞，打官篮仔拾鱼鰡。
陇总拾若济？唉约！
陇总拾二尾，一尾煮来食，一尾糊目睭，
羞羞羞羞羞

◆韭菜花
韭菜花，韭菜籽，煮落芳芳芳，
兄呀兄，嫂呀嫂，十七十八欲嫁翁。
嫁何位？嫁錢你錢鳳陽，
繡裙十六幅，繡鞋十六雙，
繡鴛鴦，繡雞公，
做人的雞公早早啼，
做人的媳婦早早起，
入大廳，拭桌椅，
入灶腳，洗碗箸，
入繡房，做針黹，
譽勞兄，譽勞弟，
譽勞親家親姆敖教示。

◆正月正
正月正，請子婿入大廳。
二月二，宰豬公謝土地。
三月三，桃仔李仔稱頭擔。
四月四，桃仔來李仔去。
五月五，龍船鼓水裡渡。
六月六，踏水車拍碌碡。
七月七，龍眼烏石榴必。
八月八，牽豆藤挽豆莢。
九月九，風吃滿天哮。
十月十，冬瓜糖霜落錢盒。
十一月，人焚火。
十二月，火炊粿。

◆補衫歌

身軀穿，身軀縫，誰人賴我做賊嘴生蟲；
身軀穿，身軀補，誰人賴我做賊嘴艱苦。
台湾童谣30首

◆黑貓黑狗

黑貓穿裙無穿褲，黑狗穿褲激拖土，
欲甲黑貓去散步，腳骨那酸坐草埔，
黑貓愛嫁黑狗尪，欲掠白貓做媒人，
是欲是不訂來送，那無黑貓嫁別人。


◆肉丸湯

搖阿搖，豬腳雙平搖，
大麵雙碗燒，肉丸湯參胡椒。


◆燒肉包

燒肉包，走去恁兜，
碗仔粿，走去恁後尾。



◆油炸粿

由炸粿，燒加脆，土豆仁，剝歸把，
媽祖宮，點電火，市場內，賣芋粿。


◆自動車

自動車坐阿舍，五分仔車拖甘蔗，
癩痾貓掛目鏡，伊老父做保正，
煙吹頭，摃岉痛。

◆電視機

電視機真趣味，有卡通，有歌仔戲，
囝仔看甲笑咪咪，婆阿看甲目屎滴。


◆秀才

秀才秀才騎馬浪浪來，
在馬頂，拔落來，跋一下，真厲害，
嘴齒痛，糊下頦，目賙痛，糊目眉，
腹肚痛，糊肚臍。

◆十二生肖

一鼠賊仔名，二牛駛犁兄，
三虎爬山崎，四兔遊東京，
五龍黃帝命，六蛇受人驚，
七馬跑兵營，八羊食草嶺，
九猴爬樹頭，十雞啼三聲。


◆一歲到十歲
一歲二歲手裡抱，
三歲四歲土腳挫，
五歲六歲漸漸大，
七歲八歲入書房，
九歲十歲知輕重。


◆搖呀搖

搖呀搖，湊挽茄，
挽偌多，挽一飯篱，
也有當食，也有當賣，
也有當給阮嬰仔做度晬，
嬰仔哭，阿母無閒當上灶，
嬰仔驚，阿母緊拍尻脊骿，
嬰仔哮哇哇，阿母嘴內就唸歌，
嬰仔哭不恬，阿母直直唸，
唸講欲去阿媽兜，
嫷衫給你穿，嫷帽仔給你戴，
明兒哉，挈你去看戲，
嬰仔無愛哭，阿公講乖巧，
胸前給你結紅包，嬰仔笑咪咪，
阿媽提金含，嬰仔就甜甜甜，
嬰你睏坦坦，阿妗給你掛八仙，
嬰仔嘴靦紅絳絳，阿舅給你結銜鈴，
嬰仔一下怳，阿姨給嬰仔戴烏鼎，
嬰仔吃吃笑，阿母沿路行，沿路搖，
乖乖睏，一暝大一寸，
乖乖惜，一暝大一尺。
台湾童谣30首

◆初一早

初一早，初二早，初三睏到飽，
初四接神，初五隔開，初六舀肥，
初七七元，初八完全，初九天公生，
初十有食席，十一請子婿，
十二請諸婦子返來食泔糜配芥菜，
十三關老爺生，十四月光，
十五是上元暝。

◆一二三


一二三，拿賓擔，
四五六，打六答，
七八九，黑貓娶黑狗，娶得溜溜走。

◆做人媳婦

雞公早早啼，做人媳婦早早起，
入大廳擦桌椅，入灶腳洗碗筷，
入房間做金指，哦老兄哦老弟，
哦老家親母賢教示。


◆小學生

一年的空空，二年的孫悟空，
三年的吐劍光，四年的敖膨風，
五年的上帝公，六年的閻羅王。

◆台灣點心

大頭仔大頭仔生後生，
唱歌欲唱多累咪，
多累咪多累咪，大頭仔賣肉羹，
肉羹結歸丸，大頭仔講伊欲賣肉丸，
肉丸歹食無人買，大頭仔賣碗粿，
碗粿冷枝枝，大頭仔氣著賣花枝，
花枝真臭腥，大頭仔換來賣米糕，
米糕燒滾滾，大頭仔講伊欲賣米粉，
米粉爛爛真小碗，
大頭仔不知欲按怎。

我的更多文章

下载客户端阅读体验更佳

APP专享