9月4日是我的生日, 但今年的生日過得最有意義。
我當日去到南區一間醫院, 與我一位小影迷見面。 他叫戴昭農, 今年剛好21歲同樣是9月4日生日。
農仔是黏多脂症病人, 據他媽媽講, 香港只剩下農仔一位黏多脂症病人, 因為這種病人的生命並不長久, 理應兩歲前離去。但農仔他有無比的生命力和鬥志, 加上他父母悉心的照顧, 農仔今日已經廿一歲。
農仔好鍾意睇電視, 特別鍾意睇我主演的劇集。原來佢有兩個心願, 一個就是參觀電視城古裝街, 另一個心願就是生日可以見到我。他父母幾經轉折, 終於聯絡上我, 並安排這個生日驚喜, 令農仔非常開心。
好驚訝農仔對我的事十分清楚, 我們相聚短短的時間內, 就好似老友一樣, 十分投契。
農仔, 我其實好多謝你, 因為我今日見到你和你家人歡欣的笑容, 我亦覺得份外開心, 覺得今年生日特別有意義。
農仔, 我們一同努力, 繼續迎接生命的挑戰。戴生戴太, 妳們都要保重, 農仔好需要你們的支持!
生日快樂!