賽馬學堂：國際賽分級辦法
2013-12-14 23:23阅读：
剛剛過去的香港國際賽事，四場國際一級賽。國際賽 (一/二/三級)如何區分呢？
一、國際賽 (一/二/三級)
級際賽報名規定有別 :
一級賽 :
全為公開賽。即是所有在港現役馬都可報名 (國際賽當然接受外隊報名)。
而唯一報名資格是以馬匹年齡作限制, 一般都是三歲及以上。
可獲正選馬匹, 馬會都會以評分作優先考慮. (國際賽外隊馬會以其國際評分作參考)
即是愈高分, 獲正選機會愈大。例外嘅多數發生喺低分嗰幾匹身上. 例如兩匹馬中. 一匹評 98分, 另一匹評 100
分。這兩匹馬爭最後一個正選位置。
兩駒只有兩分之差, 又是全組最低分馬匹, 馬會有時會考慮這兩匹馬該季整體表現. 若
98 分匹馬上名 (甚至贏馬) 次數較多, 有時會以此馬作正選, 100 分那匹列為後備並不奇怪。
一級賽係以平磅作賽. 再加分齡及性別讓磅. 詳細可參考馬會資料.
所以一般都認為一級賽是跑馬匹本身質素. 已無讓磅呢一環去影響賽果了。
由於是平磅關係. 會做成 ' 蝕分馬'。所謂蝕分即掛頭牌馬匹評分,
減去其餘馬匹本身評分, 其差額即是所蝕分數。
賽後馬匹評分加減會考慮到馬匹賺/蝕分數. 例如高分馬(賺分多)勝出,
賽後加分一般較少。相反蝕分較多馬匹, 就算跑入位置, 賽後所加分數好多時會比頭馬為多就是反映蝕分馬跑入位置時, 評磅員追 (罰)
加分數嘅手法. 這一點其實是有極大之人為因素. 加五分定四分, 甚至是三分,
跟跑普通讓賽一樣都是由評磅員主觀衡量，無劃一標準.
其中只有少部份是有規定, 就是限定跑入位置 (二至五名) 所加分數.
其限制建基於馬匹在港出賽年數.
此規定係一匹馬, 跑該場一級賽時, 為在港屬首季上陣. 若跑入二至五名. 評磅員最多可加十分. 例如苗廐滿地寶, 此
馬在港首季上陣, 跑經典一哩喺蝕分下(蝕 38分) 跑入一席第三, 賽後卻被追 (罰) 加十分.
相反, 若某匹馬跑該場一級賽時, 為在港第二(或更多)季上陣, 跑入二至五名時, 最多只可加五分. 就如恩格斯那樣.
頭馬就無此限制. 不理你是跑到第幾季, 勝出時蝕分多自然加分多。
二級賽 :
絕大部份為公開賽. 一般都是三歲及以上. 但有少數二級賽是以評分作報名條件.
如精英碗. 即該場賽事會設最低評分要求. (如精英碗 95+) 公開賽正選馬資格跟一級賽一樣, 首先要符合年齡規定, 再以評分行先,
另會考慮埋馬匹整季表現.
若設最低評分要求的二級賽, 正選馬的以評分高低分正副選.
再考慮埋馬匹整季表現.
跟公開二級賽不同的是, 若該場賽事評分要求係 95+ , 那麼一匹 54 分馬連報名資格都無. 反而公開賽, 54分馬理論上係可報名
(只要係三歲或以上). 當然獲正選機會就不大.
這一點做成最大影響係喺國際賽那三場預賽 , 三場正本戲及四歲系列賽上,
由於報名時間較長, 一些低分馬而主理人認為是未來兩三個月內, 其馬匹會有大幅進步, 從而爭取到一定分數入選,
咁一開始報名時就會加入.
因第二/三階段先加入報名, 其報名費會大幅提高。相反其他本地二級賽,
由於報名到正式出賽時間較短, 低分馬一般都唔會報. 反正正選機會不大, 又冇足夠時間去追評分.
由於跑公開二級賽屬條件讓磅賽.
一般馬會都係規定凡某駒於某段時間內贏過本地(國際)一級賽(四歲系列賽除外) , 出賽時要孭 128 磅. 其餘的就孭 123 磅.
(另再加分齡及性別讓磅)
所以同樣會做成蝕分馬上陣. 蝕分馬勝出或入位之加分幅度無一級賽相差得咁大,
始終都有一定讓磅成份在內. 當然, 若馬匹蝕分愈多自然會被追 (罰) 分愈多. 而規定 (出賽季數) 跟一級賽一樣.
老實講, 二級公開賽賺/蝕分馬勝出或入位後 , 賽後加分個尺度是最混亂. 而二級賽跑評分限制的就較易明白其加分準則.
由於只有評分下限而無上限. 只要參賽馬其評分相差範圍多過廿分, 已經有蝕分馬出現.
評磅以 133 磅為頂磅, 最輕孭 113 磅. 讓磅多少以評分作區分.
而所謂蝕分馬即最輕磅馬 (113 磅) 評分相差頂磅馬 (133 磅) 多於廿分.
硬性規定要負 113 磅下, 少負之磅數即等於所蝕分數.例如 95 + 賽事, 頂磅馬評 130 分負 133 磅, 最輕磅馬評 95
分 負 113 磅. 若計評分兩者相差 35 分. 即輕磅馬蝕了 15 磅 (分).
賽後勝出/入位馬匹加分準則, 當然會考慮到其賺/蝕分. 以今季精英碗為例.
掛頭牌馬甜將當時評 120 分 而最低分馬風之子評 100 分. 兩者相差剛好二十分, 即無蝕分馬上陣.
所以該場勝出頭馬 (愛跑得) , 贏第二 2-1/2 個馬位, 賽後加九分, 屬普通讓磅賽勝出頭馬 (考慮埋勝出距離下)
的合理評分加幅.
由此可見, 若二級賽係以評分作參賽條件, 若無蝕分情況下, 賽後勝出及入位馬匹,
評分加幅跟普通讓磅賽無異. 亦可由此推論, 跑呢類無賽事, 跟一般一班賽其實分別不大. 除非馬匹日後有大幅進步,
否則唔應該因二級賽呢個名號, 而將馬匹水準無故大幅提高. 特別係跑入位置嘅馬匹. 這點對日後刨馬匹賽績時, 要多加留意.
不好因一場半場級際賽上名紀錄, 而誤將馬匹水準提高.
三級賽 :
亦分為兩類報名規則
1). 只設評分下限. 如沙田短途錦標. (95+)
2). 設評分上下限. 如莎莎婦女銀袋賽. (115 - 90 分)
兩者正選馬都以評分行先. 高分馬可肯定獲正選. 如此類推.
較低分馬同時會考慮埋馬匹該季表現. (一至三級賽, 低分馬都有此限制)
兩類賽事都是跑讓磅賽.
第一類賽事最易出現蝕分馬. 情況如樓上所講二級賽而有評分下限一樣.
第二類賽事就要睇評分範圍. 如莎莎那場, 由於係 115 - 90 分.
評分相差範圍係 25 分. 若該場頂磅馬為 115 分, 即 90-94 分馬全屬蝕分馬.
若某場三級賽評分相差範圍是廿分. 就唔不會出現蝕分馬.
由於有否出現蝕分馬 (評分範圍多過廿分) , 要視乎該場頂磅馬評分而定. 如莎莎那場,
評分上限為 115 分. 若正選馬中, 掛頭牌那匹評分只係 110 分, 咁就算最低分馬係最低評分下限嘅 90 分.
勝/入位後評分加幅, 跟普通讓磅賽一樣. 另會計埋馬匹有否蝕分. 入位馬評分加幅
(二至五名) 同時受馬匹出賽季數限制. 一至三級賽都有以上限制, 所以一般三級賽, 跟普通一班賽其實分別不大. 大家日後閱讀賽績時,
要小心此點.
由於一至三級賽 , 馬匹報名資格都受一定限制.
一級及二級公開賽, 首要條件是馬匹年齡.一般都係三歲及以上.
馬會再以馬匹評分高低分正副選. 另加考慮馬匹該季表現.
二級賽有評分下限, 及三級賽只有評分下限, 又或有評分上下限. 呢三類賽事同樣以馬匹評分行先分正副選.
所以馬會規定凡一至三級賽, 都無皇牌或保護權的使用權.
選自賽馬世界
